فنون

أحمد حلمى يستنجد بجمهوره

أحمد حلمى يستنجد بجمهوره

أحمد حلمى يستنجد بجمهوره ويطالب محبيه ومتابعيه على موقع التواصل الاجتماعي “فيسبوك” بالتأكد من حقيقة الحسابات التي تحمل اسمه، وأكد على أن جميع حساباته على مواقع التواصل الإجتماعي موثقة بالعلامة الزرقاء.
وقال حلمي “مساء الخير عليكوا جميعااااا .. أنا طالب منكم خدمة.. ودي أول مرة أطلب فيها خدمة منكوا.. أنا هاقولكوا ايه الموضوع، في بعض الأصدقاء والصحفيين الأعزاء كلموني وقالولي إن في أكاونتات كتيرة منتحلة شخصيتي وحاطين صورتي واسمي، وطلبوا مني أرد علي الأكاونتات المزيفة دي لأنهم بيتكلموا بلساني والناس بتصدق وبعض الناس بتشتم من غير حتي ما يتأكدوا إذا كانت الأكونتات دي بتاعتي فعلا ولاء، المهم إنهم طلبوا مني أرد وأوضح الصورة، فأنا لقيت نفسي بقولهم جملة قولتها قبل كده في أحد مشاهد فيلم – ألف مبروك – قولتلهم ” والله ما أنا رادد” فضحكوا .
وأضاف “علشان كده أرجوكم اي حد يقابل في وشه أي اكونت يحمل اسمي أو صورتي ياريت يتأكد أنه حقيقي قبل مايتعامل معاه.. وللعلم أنا معنديش اكونتات خالص مش مؤكدة. كلها مؤكدى بعلامة الصح الزرقاء، الخدمة بقي اللي أنا طالبها منكم أن اي حد يشوف أي أكونت منتحل اسمي وصورتي علي فيسبوك او تويتر او إنستجرام أنه (( يعمل معاه الصح )) وطبعا الصح إلي أنا اقصده انه ينصحه ويقوله ” كده كوخه ” طبعا أنا اللي خلاني اطلب هو الحب العشم والله. شكر جزيلا”.

السابق
5 طرق لكى تبدو بقوام مثالى فى الملابس
التالي
اكتشف من يكذب عليك فى 7 نقاط